फोटो सौजन्य- iStock
राजापूर: नाणार पाठोपाठ आता सागवे घोडेपोईवाडी येथे अजुन एका बॅक्साईड उत्खनन प्रकल्पाची घोषणा राज्यशासनाने केली असुन या प्रकल्पासाठीची पर्यावरण जनसुनावणी पाच सप्टेंबर २०२४ रोजी सकाळी ११ वाजता कात्रादेवी मंगल कार्यालय कात्रादेवी सागवे येथे होणार आहे . रिफायनरी प्रकल्पाची प्रतिक्षा करता करता आता समुद्रकिणारपट्टी पोखरणारे बॉक्साईट उत्खननाचे प्रकल्प राजापूर तालुकावासियांच्या माथी मारले जात असल्याने याचा उद्रेक होण्याची दाट शक्यता आहे .
नाणार परिसरातील सुमारे १४५ हेक्टर वर होणाऱ्या बॉक्साईट उत्खननाच्या प्रकल्पाची जनसुनावणी २९ ऑगस्ट २०२४ रोजी नाणार येथे होणार आहे . त्याबाबतची जाहीर नोटीस शासनाने प्रसिध्द करुन आठवड्याचा कालावधी लोटण्याअगोदरच आता शासनाने सागवे घोडेपोईवाडी येथे प्रस्तावित असणाऱ्या दुसऱ्या बॉक्साईट उत्खनन प्रकल्पाच्या जनसुनावनीची तारीख जाहीर केली आहे . त्यामुळे गणपती सणांच्या पार्श्वभुमीवर या भागात रिफायनरीच्या आंदोलनानंतर पुन्हा एकदा बॉक्साईट उत्खनन विरोधी आंदोलनाचे रणशिंग फुंकले जाण्याची शक्यता आहे.
पर्यावरणपुरक प्रकल्प यावे अशी लोकांची मागणी
कोकणात पर्यावरणपुरक उद्योग आणा , येथील निसर्गाची हानी करणारे प्रकल्प आम्हाला नकोत अशी मागणी येथील जनतेची असताना आता संपुर्ण कोकणपट्टी पोखरणारे प्रकल्प या परिसरात येऊ घातल्याने जनक्षोभ उसळण्याची दाट शक्यता आहे . सागवे हमदरा घोडेपोईवाडी येथे १२० . ४८ हेक्टरवर हा बॅक्साईट उत्खनन प्रकल्प प्रस्तावित असुन मे . गामा आर्यन इंडिया लिमिटेड , रत्नागिरी ही कंपणी याठिकाणी बॉक्साईटचे उत्खनन करणार आहे . महाराष्ट्र प्रदुषण नियंत्रण मंडळ , उप प्रादेशिक कार्यालय रत्नागिरी यानी याबबतचे जाहीर नोटीस दिनांक ३ ऑगस्ट २०२४ रोजीच्या पत्राने ग्रामपंचायत सागवे याना कळवले आहे .
भारत सरकारच्या वने व पर्यावरण मंत्रालयाने दिनांक १४ सप्टेंबर २००६ रोजी या प्रकल्पाची अधिसुचना काढलेली असुन सावगे हमदारे घोडेपोईवाडी येथेले १२० . ४८ हेक्टर क्षेत्रावर प्रतिवर्ष ०. ३ मेट्रिक टन इतके उत्खनन करण्यात येणार आहे . गणपती आगमनाच्या अगोदर दोन दिवस जाहीर झालेल्या या जनसुनावणीमुळे या परिसरात तिव्र असंतोष निर्माण झाला आहे .
